बाणगंगा खोलामा बगेका दश वर्षीय बालकको भारतमा शव भेटियो

बाणगंगा खोलामा आएको बाढीमा बगेर बेपत्ता भएका कपिलवस्तुका १० वर्षीय बालक बुद्ध लामाको शव भारतमा भेटिएको छ ।

कपिलवस्तुको बाणगंगा नगरपालिका–४ मायादेवी रंगशालाको पूर्वतर्फ करिब एक किलोमिटर दक्षिण बाणगंगा नदीमा पौडी खेल्न गएका बाणगंगा नगरपालिका–८ का १६ वर्षीय रिदम लामा र १० वर्षीय बुद्ध लामा शुक्रबार दिउँसो नदीको बीचमा रहेको टापुमा फसेका थिए । उद्धार टोलीले शुक्रबार रिदमलाई सकुशल उद्धार गरेको थियो । तर, १० वर्षीय बुद्ध लामा भने घटनास्थलमा फेला परेका थिएनन् ।