कृष्णभीरको सडक सञ्चालनमा आएसँगै ग्यास बुलेट चल्न थाले

काठमाडौं– पृथ्वी राजमार्गअन्तर्गत धादिङको कृष्णभीरमा नयाँ ट्र्याक खोलेर सवारी सञ्चालनमा ल्याइएको छ। सडक भासिएपछि अवरुद्ध बनेको राजमार्ग मर्मत थालेको दशौँ दिनमा ठूला मालबाहक सवारी कृष्णभीर पार गर्न थालेका हुन्।

भदौ १० गते भोटेकोशी नदीमा आएको बाढी त्रिशूली नदीमा मिसिएपछि तल्लो क्षेत्रमा तीव्र कटान हुँदा कृष्णभीरमा सडक भासिएको थियो। सडक भासिएपछि सडक विभागले मूल सडकभन्दा केही माथिबाट नयाँ ट्र्याक खोलेर वैकल्पिक बाटो तयार पारेको हो।