कर्जाको मागमा सुधार, आर्थिक गतिविधि बढ्ने संकेत

२८ भदौ, काठमाडौं । बैंकहरूमा कर्जाको माग बढ्न थालेको छ । यस वर्षको चाडबाड नजिकिएसँगै कर्जाको मागमा सुधार देखिएको हो ।

चालु आर्थिक वर्ष सुरु भएयता वाणिज्य बैंकहरूले ४१ अर्ब रुपैयाँ कर्जा लगानी गरेका छन् । सञ्चालनमा रहेका २० वाणिज्य बैंकको कर्जा लगानी चालु आवको साउन महिनामा २ अर्ब नकारात्मक थियो । तर, भदौ महिनामा १९ गतेसम्म बैंकहरूले ४३ अर्ब कर्जा लगानी बढाएका हुन् ।