तेक्वान्दोकी काजल दक्षिण कोरिया प्रस्थान

काठमाडौं । तेक्वान्दोकी अन्तर्राष्ट्रिय निर्णायक काजल श्रेष्ठ छुनछियोन विश्व पुम्से च्याम्पियनसिप (जि ८) मा निर्णाकको भूमिकामा सहभागी हुन आइतबार दक्षिण कोरिया प्रस्थान गरेकी छन् ।

प्रतियोगिता सेप्टेम्बर १६ देखि २० तारिखसम्म हुनेछ । नेपालमा भएको १३ औं दक्षिण एसियाली खेलकुदकी स्वर्ण विजेता काजलसंग विभिन्न राष्ट्रमा भएका विभिन्न स्तरको अन्तर्राष्ट्रिय प्रतियोगितामा निर्णायकको भूमिका निर्वाह गरेको अनुभव छ ।