जलवायु क्षतिपूर्तिका लागि फन्ड छ, पैसा छैन

२०२३ अक्टोबर ३०, सोलुखुम्बुको स्याङ्बोचे,सगरमाथा क्षेत्रको हिमनदी उपत्यकामा उभिएर राष्ट्रसंघका महासचिव एन्टोनियो गुटेरेसले भावुक स्वरमा भन्दै थिए, ‘संसारको छानाबाट म कराउन आएको छु, यो पागलपन रोक। स्टप दिस म्याडनेस।’

गुटेरेसको थप भनाइ थियो, ‘ग्लेसियर पछाडि हटिरहेको छ, तर हामी हट्न सक्दैनौं। हामीले जीवाश्मा ऊर्जाको युग अन्त्य गर्नैपर्छ।’ उनले चेतावनी दिँदै भने कि नेपालले गत ३० वर्षमा आफ्नो हिउँको झन्डै एक-तिहाइ गुमाइसकेको छ, र विगत दशकमा हिमनदी ६५% छिटो पग्लिरहेको छ।