कृष्णभीर सडक १ असोजदेखि खुला गर्ने लक्ष्य, ट्रयाक खुलेसँगै २१ वटा ठूला सवारी साधन बाहिरिए

काठमाडौं । भोटेकोशी र त्रिशूलीमा आएको बाढीका कारण पहिरोले अवरुद्ध कृष्णभीरमा आइतबार सडक ट्रयाक खुलेको छ । खुलेलगत्तै २१ वटा ठूला सवारी साधन काठमाडौंबाट बाहिरिएको सडक विभागले जनाएको छ ।

सडक विभागले आइतबार साँझ प्रेस विज्ञप्ति मार्फत भनेको छ, ‘निर्माणाधीन ट्रयाकको अवस्था तथा सवारी आवागमनको सम्भाव्यता परीक्षण गर्न काठमाडौँबाट चितवनतर्फ एउटा ग्यास बुलेट सहित करिब २० वटा र चितवनबाट काठमाडौँतर्फ एउटा भारीसहित केही हलुका सवारी साधन सफलतापूर्वक सञ्चालन गरिएको छ ।’