कांग्रेस महाधिवेशनको उद्घाटन सत्र खुला मञ्चमा हुने

काठमाडौँ नेपाली कांग्रेसको १५औँ महाधिवेशनको उद्घाटन सत्र खुला मञ्चमा हुने भएको छ। आइतबार पार्टी केन्द्रीय कार्यालय सानेपामा बसेको कार्यसम्पादन समितिको बैठकले असोज १६ गते दिउँसो १ बजे पार्टीको १५औँ महाधिवेशन खुला मञ्चमा उद्घाटन गर्ने निर्णय गरेको हो।

बैठकपछि महामन्त्री प्रदीप पौडेलले जारी गरेको विज्ञप्तिमा महाधिवेशनलाई भव्य र सभ्य रूपमा सम्पन्न गर्न असोज ३ गतेबाट सुरु हुने वडा अधिवेशनमा सबै क्रियाशील सदस्य को सहभागिताका लागि अनुरोध गरिएको छ।