संशोधनसहित दफावार छलफल गर्ने प्रस्ताव स्वीकृत

सुदूरपश्चिम । सुदूरपश्चिम प्रदेशसभाले ‘सुदूरपश्चिम प्रदेश स्थानीय सेवाको गठन तथा सञ्चालन पहिलो संशोधन विधेयक २०८२’ माथि परेको संशोधन प्रस्तावलाई छलफलका लागि विधायन तथा प्रदेश मामिला समितिमा पठाउने प्रस्ताव स्वीकृत गरेको छ ।

आइतबार बसेको प्रदेशसभाको बैठकले आन्तरिक मामिला तथा कानुनमन्त्री हिरा सार्कीले उक्त विधेयकमाथि संशोधनसहित दफावार छलफल गर्न विधायन तथा प्रदेश मामिला समितिमा पठाइयोस् भनी पेस गर्नुभएको प्रस्ताव सर्वसम्मतिले स्वीकृत गरेको हो ।