इरानसँगको सम्भावित सम्झौता तयार, हस्ताक्षर गर्ने/नगर्ने निर्णय ट्रम्पकै हातमा

काठमाडौं । अमेरिकी अर्थमन्त्री स्कट बेसेन्टले अमेरिका र इरानबीच प्रारम्भिक सम्झौता हुने अथवा नहुने राष्ट्रपति डोनाल्ड ट्रम्पको निर्णयमा निर्भर रहने बताएका छन् । सीएनएनका अनुसार बिहीबार ह्वाइट हाउसमा आयोजित पत्रकार सम्मेलनमा बेसेन्टले भने, “सबै कुरा राष्ट्रपति के गर्न चाहनुहुन्छ भन्नेमा निर्भर गर्छ । राष्ट्रपति ट्रम्प अमेरिकी जनताका लागि कुनै पनि खराब सम्झौता गर्ने पक्षमा हुनुहुन्न ।”

बेसेन्टले इरानसँग सम्झौता गर्ने प्रयासका क्रममा आफूलाई मध्यावधि निर्वाचनको कुनै पर्वाह नरहेको भन्दै यसै हप्ताको सुरुमा ट्रम्पले गरेको टिप्पणीले उनलाई एक राजनेताका रूपमा प्रमाणित गरेको बताए । उनले ओमानबाट होर्मुज जलमार्गमा टोल लगाउने कुनै योजना नरहेको आश्वासन प्राप्त भएको बताए ।