आईपीएलको फाइनलका लागि गुजरात र राजस्थान भिड्दै, १५ वर्षे वैभवमाथि सबैको नजर

काठमाडौँ । आज इन्डियन प्रिमियर लिग (आईपीएल) २०२६ को क्वालिफायर–२ मा गुजरात टाइटन्स र राजस्थान रोयल्स आमने–सामने हुँदै छन्। यस खेलमा विजयी हुने टोली फाइनलमा प्रवेश गर्नेछ भने पराजित हुने टोली प्रतियोगिताबाट बाहिरिनेछ। खेल नेपाली समय अनुसार ७:४५ मा शुरु हुनेछ ।

यस महत्त्वपूर्ण खेलमा १५ वर्षीय युवा ब्याटर वैभव सूर्यवंशीमाथि सबैको विशेष नजर रहनेछ। उनले एलिमिनेटर खेलमा सनराइजर्स हैदरावादविरुद्ध ९७ रनको उत्कृष्ट इनिङ्स खेल्ने क्रममा १२ वटा छक्का प्रहार गरेका थिए। अर्कोतर्फ, यस सिजनकै सबैभन्दा बलियो मानिएको गुजरातको बलिङ लाइनअपले उनलाई रोक्ने प्रयास गर्नेछ । जसमा कगिसो रबाडा, मोहम्मद सिराज, जेसन होल्डर, प्रसिद्ध कृष्णा र राशिद खान जस्ता घातक बलरहरू सामेल छन्।