विश्वको सबैभन्दा मूल्यवान् एआई स्टार्टअप बन्यो एन्थ्रोपिक

क्यालिफोर्निया । अमेरिकी एआई कम्पनी एन्थ्रोपिक विश्वको सबैभन्दा मूल्यवान् कृत्रिम बौद्धिकता (एआई) स्टार्टअप बन्न सफल भएको छ । घरेलु एआई कम्पनी ओपनएआईलाई पछि पार्दै एन्थ्रोपिक विश्वकै सबैभन्दा मूल्यवान् कृत्रिम बौद्धिकता (एआई) स्टार्टअप बनेको हो । कम्पनीले क्लाउडे नामक च्याटबोट बनाएको छ ।

निजी लगानीकर्ताबाट ६५ अर्ब डलर लगानी जुटाएको घोषणा बिहीबार एन्थ्रोपिकले गरेको छ । नयाँ लगानीपछि कम्पनीको मूल्याङ्कन ९६५ अर्ब डलर पुगेको बताइएको छ । यो लगानी चरणको नेतृत्व अल्टिमिटर क्यापिटल, ग्रिनोक्स, ड्र्यागनर र सेक्वोइया क्यापिटलले गरेका थिए । यससँगै एन्थ्रोपिकले बजार पुँजीकरणको मामिलामा च्याटजिपिट निर्माता ओपनएआईलाई उछिनेको छ । मार्चमा सकिएको लगानी संकलनको पछिल्लो चरणमा ओपनएआईको मूल्याङ्कन ८५२ अर्ब डलर पुगेको थियो ।