फाइनल प्रवेशका लागि फरक दर्शन बोकेका गुजरात र राजस्थान भिड्दै : सूर्यवंशीको ब्याट चल्ला वा रबाडाको बल?

चण्डीगढ । शुक्रबार राति न्यु चण्डीगढमा आईपीएल २०२६ को क्वालिफायर-२ सुरु हुँदा, धेरै समानता तर पूर्ण रूपमा फरक दर्शन भएका दुई टोली फाइनलको टिकटका लागि भिड्नेछन्।

क्वालिफायर-१ मा रोयल च्यालेन्जर्स बेंगलुरुसँग पराजित हुँदै आएको गुजरात टाइटन्स र एलिमिनेटरमा सनराइजर्स हैदराबादलाई हराएको राजस्थान रोयल्स बिच धेरै कुरामा समानता छ। दुवै टोली शीर्ष तीन ब्याटरमा धेरै निर्भर छन्, दुवैको मध्यक्रम कमजोर छ, र दुवैसँग नयाँ बलका धारिला बलरहरू छन्। तर, खेलप्रतिको उनीहरूको दृष्टिकोण भने विल्कुलै फरक छ।