हटाइएका सुकुम्बासी बस्तीमा हरियाली बनाउन तीन अर्ब

डोजर लगाएर खाली गरिएको सुकुम्बासी बस्तीमा पार्क, हरियाली क्षेत्र, करिडोर विस्तार र नदीको बहावक्षेत्र बढाउन सरकारले आगामी आर्थिक वर्ष २०८२/८३ मा तीन अर्ब रुपैयाँ छुट्याएको छ।

पूर्वाधार विकास मन्त्रालय (साविकको सहरी विकास मन्त्रालय) का सहसचिव तथा उक्त मन्त्रालय मातहतको एकीकृत बागमती सभ्यता विकास समितिका सदस्य सचिव मच्चाकाजी महर्जनका अनुसार सरकारले छुट्याएको तीन अर्ब रुपैयाँमा उपत्यकाका खोला नदी नियन्त्रण, ढल निकास प्रणाली, हटाइएको सुुकुम्बासी बस्तीमा हरियाली, पार्क तथा करिडोर विस्तारमा लगाइने बताए।