भीएआरको गलत निर्णय: हाल्यान्डको विवादित गोललाई मान्यता दिइएको पुष्टि

म्यानचेस्टर – प्रिमियर लिगको म्याच रेफ्रीको नियामक निकाय (प्रो रेफ) ले म्यानचेस्टर डर्बी भिडन्तका क्रममा म्यानचेस्टर सिटीका फरवार्ड अर्लिङ हाल्यान्डले गरेको निर्णायक गोललाई मान्यता दिने निर्णय गलत भएको स्वीकार गरेको छ। म्यानचेस्टर युनाइटेडविरुद्ध सिटीलाई जित दिलाउने उक्त गोलमा ‘निर्णयको त्रुटि’ भएको प्रो रेफले जनाएको हो।

ओल्ड ट्राफोर्डमा सम्पन्न खेलको ६० औँ मिनेटमा जोस्को ग्वार्डिओलको क्रसमा हाल्यान्डले गोल गरेका थिए। सुरुमा मैदानका रेफ्रीले हाल्यान्डलाई ‘अफसाइड’ घोषित गरेका थिए। तर भिडियो असिस्टेन्ट रेफ्री (भीएआर) को हस्तक्षेपपछि उक्त गोललाई मान्यता दिइयो। युनाइटेडका डिफेन्डर प्याट्रिक डोर्गुको बुटको रेखाका आधारमा हाल्यान्ड अनसाइड रहेको भीएआरले ठहर गरेको थियो।