जेनजी आन्दोलनपछि सिकेको पाठ : सरकारी संरचनामा हुने क्षति न्यूनीकरण गर्न बिमा गर्ने प्रस्ताव

हेटौँडा- बागमती प्रदेश सरकारले प्रदेश मातहतका सरकारी भवनलाई बिमाको दायरामा ल्याउने तयारी गरेको छ। प्राकृतिक विपद् तथा अन्य जोखिमबाट सरकारी संरचनामा हुनसक्ने क्षतिको आर्थिक भार न्यूनीकरण गर्न भवनको बिमा गर्ने प्रस्ताव आगामी मन्त्रिपरिषद् बैठकमा पेस गर्ने तयारी गरिएको हो ।

प्रदेशका भौतिक पूर्वाधार विकासमन्त्री तथा प्रदेश सरकारका प्रवक्ता भरतबहादुर केसीले सरकारी भवनमा हुने जोखिमलाई बिमामार्फत हस्तान्तरण गर्ने अवधारणाअनुसार प्रक्रिया अघि बढाउन लागिएको जानकारी दिए। उनका अनुसार प्रदेश मातहतका सरकारी भवनको विवरण, मूल्यांकन तथा सम्भावित जोखिम समेटेर आवश्यक कार्यविधि तयार गरिनेछ।