देशलाई खुसीको खाँचो हुँदा ट्रफी जित्न सफल भयौं : सन्दीप लामिछाने

नेपाली राष्ट्रिय क्रिकेट टोली सन्दीप लामिछानेले देशलाई खुसीको खाँचो रहेको समय क्रिकेटको माध्यमबाट केही मात्रामा पूरा भएको बताएका छन्।

एसीसी प्रिमियर कपको फाइनलमा शनिबार संयुक्त अरब इमिरेट्स (युएई) लाई हराउँदै नेपाली टोली दोस्रो पल्ट एसिया कपको लागि छनोट भएको थियो। च्याम्पियन्स ट्रफीसहित आइतबार राति त्रिभुवन विमानस्थलमा स्वदेश फर्किएको नेपाली टोलीका कप्तान सन्दीप लामिछानेले देशमा गएको बाढीले ठूलो मानवीय क्षति भएको समय यो सफलताले थोरै भएपनि खुसी मिलेको उनको विश्वास छ। सबै खेलाडीको मेहनत अनुसार ट्रफी प्राप्त हुँदा धेरै खुसी रहेको उनले बताए।