रास्वपा प्रवक्ताको दाबी- पार्टीमा कुनै समूह छैन (भिडिओ)

काठमाडौं । रास्वपाका प्रवक्ता मनिष झाले आफ्नो पदाधिकारीमा दाबी स्वाभाविक भएको बताएका छन्। महाधिवेशन स्थलमा सञ्चारकर्मीहरूसँग कुरा गर्दै आफूले पदाधिकारीमा अपेक्षा राख्नु स्वाभाविक भएको बताए ।

उनले भने, ‘मलाई के देख्न चाहनुहुन्छ भन्ने कुरा त प्रतिनिधिहरूले भन्नुहुन्छ होला, मैले मात्र इच्छा राखेर भएन। तर, स्थापनाकालदेखि यहाँसम्म आइपुग्दै गर्दा मैले पार्टीको लागि जुन किसिमको आफ्नो भूमिका निर्वाह गरेको छु, त्यसले गर्दा अब आगामी पदाधिकारीमा म आफूलाई दाबी गर्न सक्छु, आफ्नो अपेक्षा राख्न सक्छु। यसलाई स्वाभाविक रूपमा सबैले लिनुहोला ।’