चितवनमा ट्रक र स्कुटर ठोक्किँदा दुई युवाको मृत्यु

चितवनमा सवारी दुर्घटना हुँदा दुई युवाको मृत्यु भएको छ। गए राति १ः४० बजे भरतपुर महानगरपालिका १५ स्थित अतिथि पार्टी प्यालेस नजिक भरतपुरबाट रामपुरतर्फ जाँदै गरेको ना ५ख ५८१६ नम्बरको ट्रक र सोही दिशातर्फ गइरहेको बा.प्र. ०६–००४ प ७२४८ नम्बरको स्कुटर पछाडिबाट ठक्कर खाँदा स्कुटरमा सवार दुई युवाको मृत्यु भएको हो।

भरतपुर महानगरपालिका–२६ दिव्यनगर निवासी २२ वर्षीय अशोक भण्डारी र लमजुङ घर भई हाल भरतपुर महानगरपालिका–२० मा बसोबास गर्दै आएका १९ वर्षीय राजिब गुरुङ रहेका छन्।