सन् २०३० : संकट कि समृद्धि ?

भविष्यको नेपाल चुनौती केवल संकट होइन, नयाँ युगको प्रवेशद्वार पनि हो, जसले विकास र समृद्धिको नयाँ परिभाषा दिनेछ।

सन् २०३० तिर नेपाल एउटा अत्यन्त निर्णायक ऐतिहासिक मोडमा प्रवेश गर्दैछ, जहाँ विश्व संरचना तीव्र गतिमा रूपान्तरण भइरहेको छ। प्रविधि, जलवायु, अर्थतन्त्र, जनसंख्या र भू–राजनीति सबै क्षेत्रमा गहिरो परिवर्तन भइरहेको छ। यस्तो अवस्थामा नेपालजस्तो विकासशील राष्ट्रका लागि चुनौती र अवसर दुवै समान रूपमा उपस्थित छन्। यदि देशले समयमै सही नीति, प्रभावकारी कार्यान्वयन र दीर्घकालीन दृष्टिकोण अपनाउन सकेन भने वर्तमान समस्या अझ गहिरो संकटमा रूपान्तरण हुन सक्छ। तर, यदि सही दिशा समात्न सकियो भने यिनै चुनौतीहरू नेपालका लागि ऐतिहासिक अवसर बन्न सक्छन्।