काजकिस्तानलाई पराजित गर्दै इरानलाई काभा महिला भलिबल च्याम्पियनसिपको उपाधि

काठमाडौं : काजकिस्तानलाई पराजित गर्दै काभा महिला भलिबल च्याम्पियनसिपको उपाधि इरानले जितेको छ । राष्ट्रिय खेलकुद परिषद् (राखेप) को कभर्ड हलमा भएको फाइनल खेलमा इरानले काजकिस्तानलाई ३–१ ले हराएको हो ।

इरानले काजकिस्तानलाई २५–१८, १९–२५, २५–१५ र २५–२१ ले पराजित गर्दै उपाधि रक्षा गरेको हो । पहिलो तेस्रो र चौथो सेट जित्दै इरानले उपाधि जितेको हो । काजकिस्तानलाई पराजित गर्दै इरानले प्रतियोगिताको उपाधि रक्षा गरेको छ । सन् २०२५ मा उज्वेकिस्तानमा भएको काभा महिला भलिबल च्याम्पियनसिपमा घरेलु टोली उज्वेकिस्तानलाई हराउँदै इरानले उपाधि जितेको थियो । यसअघि आजै भएको तेस्रो स्थानको खेलमा भारतले नेपाललाई ३–१ को सेटमा पराजित गर्दै काश्य पदक जितेको हो ।