१४ वर्षदेखि कन्काइ पुल अलपत्र पार्ने पप्पु कन्स्ट्रक्सलाई २ अर्ब जरिवाना

हुलाकी राजमार्गअन्तर्गत झापाको कन्काइ नदीमा निर्माणाधीन पुल १४ वर्षसम्म अलपत्र पार्ने पप्पु महादेव खिम्ती संयुक्त उपक्रम (जेभी) सँग सरकारले झन्डै दुई अर्ब रुपैयाँ असुलउपर गर्ने भएको छ।

झापा गाउँपालिका-२ र गौरीगञ्ज गाउँपालिका-१ लाई जोड्ने सो पुल निर्माणको जिम्मा लिएर ढिलासुस्ती गरेबापत कम्पनीलाई एक अर्ब ९९ करोड १२ लाख ५८ हजार ७७५ जरिवाना तोकिएको हो।