४ जना सडकआश्रित मानवको उद्वार : १५२ जनाले पाए संरक्षण

तनहुँ । बर्सातको समयमा कुनै पनि सहयोगापेक्षी मानव सडकपेटीमा बस्न नपरोस् भन्ने उद्देश्यसहित सञ्चालन भइरहेको मेची–महाकाली राष्ट्रिय उद्वार यात्राको १८औँ दिन आज थप ४ जना सडकआश्रित नागरिकको उद्धार गरिएको छ ।

उद्धार टोलीले तनहुँको व्यास नगरपालिका–२ दमौलीबाट झापा घर बताउने ४८ वर्षीय नवीन पोखरेल तथा बन्दीपुर नगरपालिका–१ क्षेत्रबाट अन्दाजी ४७ वर्षीय शैलेष नाम बताउने पुरुषसहित चार जनाको उद्धार गरी मानवसेवा आश्रम पोखराको संरक्षणमा राखेको हो ।