रास्वपा महाधिवेशन: सहमहामन्त्रीमा अशोक चौधरीको दाबेदारी

राष्ट्रिय स्वतन्त्र पार्टी (रास्वपा)का नेता अशोककुमार चौधरीले सहमहामन्त्री पदमा आफ्नो दाबेदारी सार्वजनिक गरेका छन्। उनले प्रथम राष्ट्रिय महाधिवेशनमार्फत खुल्ला थारू केन्द्रीय सदस्य हुँदै समावेशी समूहबाट सहमहामन्त्री पदमा उम्मेदवारी दिने तयारीसहित प्रतिनिधिहरूसँग मत मागिरहेका छन्।

रास्वपाका संस्थापक केन्द्रीय सदस्यसमेत रहेका चौधरीले आफ्नो उम्मेदवारीलाई केवल पदको प्रतिस्पर्धा नभई पार्टीको संस्थागत सुदृढीकरण, कार्यकर्ताको सम्मान र संगठनात्मक एकताको अभियानका रूपमा प्रस्तुत गरेका छन्।