बजेट कार्यान्वयनमा विपक्षीको शंका

१५ जेठ, काठमाडौं । आगामी आर्थिक वर्ष २०८३/०८४ लागि सरकारले प्रस्तुत गरेको बजेट कार्यान्वयनप्रति विपक्षी दलहरूले शंका गरेका छन् । विपक्षी तर्फका सबैजसो दलले बजेटलाई महत्त्वकांक्षी भनेका छन् ।

राष्ट्रिय योजना आयोगले दिएको ‘सिलिङ’ भन्दा डेढ खर्ब बढाएर अर्थमन्त्री डा.स्वर्णिम वाग्लेले रु. २१ खर्ब २४ अर्ब ३४ करोडको बजेट प्रस्तुत गरेका छन् । अघिल्लो आर्थिक वर्ष भन्दा २५ प्रतिशत ठूलो आकारको बजेट कार्यान्वयन गर्न स्रोत व्यवस्थापन र खर्च गर्ने सामर्थ्य सरकारसँग नरहेको विपक्षी दलहरुको टिप्पणी छ ।