कृष्णकुमारीको ‘नारी रेखा’ सार्वजनिक

काठमाडौँ- राष्ट्रिय महिला आयोगकी सदस्य एवं प्रवक्ता कृष्णकुमारी पौडेल खतिवडाले नेपाली समाजमा महिलाले विगतदेखि वर्तमानसम्म भोग्दै आएका सङ्घर्ष, पीडा, साहस र सफलताका विविध आयाम समेटिएको आफ्नो नयाँ कृति ‘नारी रेखा’ सार्वजनिक गरेकी छन् ।

राजधानीमा आयोजित एक विशेष समारोहका बीच नेपाली कांग्रेसका महामन्त्री एवं पूर्वस्वास्थ्य मन्त्री प्रदीप पौडेल लगायतका विशिष्ट अतिथिहरूले उक्त पुस्तकको लोकार्पण गरेका हुन् । लोकार्पणका क्रममा लेखिका खतिवडाले सुनाएका केही प्रतिनिधि घटना र समाजको तीतो यथार्थले कार्यक्रम हलमा उपस्थित सबैलाई स्तब्ध र भावुक बनाएको थियो।