१४औँ सागमा नेपालबाट ५३२ खेलाडी र १५३ जना अधिकारी सहभागी हुने

काठमाडौँ । १४औँ दक्षिण एसियाली खेलकुद (साग)मा नेपालबाट ५ सय ३२ खेलाडी र १ सय ५३ अधिकारी सहभागी हुने भएका छन् । नेपाल ओलम्पिक कमिटी (एनओसी)ले पत्रकार सम्मेलन गर्दै एसएओसी बैठकका निर्णय र १४औँ सागको तयारीबारे जानकारी दिएको हो ।

प्रारम्भिक अनुमानअनुसार १४औँ सागमा ७ देशबाट ३ हजार १ सय ७२ खेलाडी र १ हजार १९ अधिकारीसहित ४ हजार १ सय ९१ जनाको सहभागिता रहनेछ । आयोजक पाकिस्तानबाट ६ सय ७० खेलाडी र २ सय २ अधिकारी तथा श्रीलंकाबाट ६ सय ७० खेलाडी र २ सय ५१ अधिकारी सहभागी हुने प्रारम्भिक अनुमान छ ।