भक्तपुरमा रात्रिकालीन यातायात सञ्चालनको तयारी

भक्तपुरमा रात्रिकालीन साझा यातायात बस सेवा सञ्चालन गर्ने विषयमा सोमबार छलफल भएको छ। काठमाडौं महानगरपालिकाका कार्यवाहक प्रमुख सुनिता डंगोलसहितको टोली त्यसका लागि भक्तपुर नगरपालिकाका प्रमुख सुनिल प्रजापतिसँंग भेटघाटका लागि आएकी थिइन् ।

त्यस अवसरमा कार्यवाहक प्रमुख डंगालले सहरलाई सुरक्षित बनाउन सार्वजनिक यातायातलाई व्यवस्थित गर्न आवश्यक रहेको बताइन् । साझा यातायात रात्रिकालीन बस सेवा सञ्चालनका लागि स्थानीय तहहरूबीच समन्वय र सहकार्य आवश्यक रहेको उनको भनाइ थियो ।