रसुवाका १३ खानेपानी आयोजनामा २५ करोड बढीको क्षति, १६ सय नागरिक पिउने पानीबाट वञ्चित

भोटेकोशी नदीमा गत भदौ १० गते आएको विनाशकारी बाढीका कारण रसुवाका विभिन्न स्थानमा सञ्चालित १३ वटा खानेपानी तथा सरसफाइ आयोजना पूर्ण तथा आंशिक रूपमा क्षतिग्रस्त भएका छन्।

बाढीका कारण ती आयोजनाहरूमा कम्तीमा २५ करोड २५ लाख रुपैयाँ बराबरको भौतिक क्षति भएको छ। खानेपानी तथा ढल व्यवस्थापन विभागका अनुसार भौतिक संरचना बगाउँदा रसुवाका १ हजार ६२३ जना नागरिक सुरक्षित खानेपानी सेवा उपभोग गर्नबाट प्रत्यक्ष वञ्चित भएका छन्।