११ महिनामा चार पाङ्ग्रे ईभीको आयात घट्यो, दुई पाङ्ग्रेको संख्या २२ हजार नाघ्यो

काठमाडौं । गत आर्थिक वर्षकाे पहिलो ११ महिनाकाे तुलनामा चालु आर्थिक वर्षकाे ११ महिनामा चार पाङ्ग्रे विद्युतीय सवारी आयातमा कमी आएकाे छ । भन्सार विभागले सोमबार सार्वजनिक गरेकाे तथ्याङ्कअनुसार चालु आवको ११ महिनामा (साउन-जेठसम्म)१० हजार ८९२ युनिट मात्र चार पाङ्ग्रे ईभी भित्रिएका छन् ।

गत आवको सोही अवधिमा १३ हजार ४९२ युनिट आयात भएको थियो । यसअनुसार चार पाङ्ग्रे ईभीको आयातमा करिब दुई हजार ६०० युनिट अर्थात् १९ प्रतिशत कमी देखिएको छ । जसको कुल आयात मूल्य २५ अर्ब ६८ करोड ६० लाख रुपैयाँ हाराहारी छ । चार पाङ्ग्रे ईभी आयातबाट सरकारले यो अवधिमा १५ अर्ब ५३ करोड रूपैयाँभन्दा बढी राजस्व संकलन गरेको छ ।