हालान्ड र चेर्की चम्किँदा सिटीको शानदार जित, आज लिभरपुल र टोटनहमको परीक्षा

इंग्लिस प्रिमियर लिगमा म्यानचेस्टर सिटीले सानदार जितसहित नयाँ सिजनको सुरुआतलाई बलियो बनाएको छ। गएराति भएको खेलमा सिटीले क्रिस्टल प्यालेसलाई ४–१ गोलले पराजित गर्दै लगातार दोस्रो जित दर्ता गरेको हो।

सिटीको जितमा एर्लिङ हालान्ड र रियान चेर्कीले दुई-दुई गोल गरे। हालान्डले १७औँ मिनेटमा गोल गर्दै टोलीलाई सुरुआती अग्रता दिलाएका थिए। दोस्रो हाफमा चेर्कीले ५४औँ र ५९औँ मिनेटमा लगातार दुई गोल गरेपछि सिटी बलियो अवस्थामा पुगेको थियो। हालान्डले ८४औँ मिनेटमा व्यक्तिगत दोस्रो गोल थप्दै सिटीको जित पक्का गरे।