रोमानियाको भवनमा ड्रोन खसेको आरोप रूसद्वारा अस्वीकार, कूटनीतिज्ञ निष्कासनको जवाफ दिने चेतावनी

मस्को : रूसले रोमानियाको एक आवासीय भवनमा आफ्नो ड्रोन ठोक्किएको भनी लगाइएको आरोपलाई पूर्ण रूपमा अस्वीकार गरेको छ।

रूसी विदेश मन्त्रालयकी प्रवक्ता मारिया जाखारोभाले रूसी सञ्चारमाध्यम 'आरटी' सँगको कुराकानीमा उक्त दाबीको खण्डन गरेकी हुन्। समाचार एजेन्सी आरआईएका अनुसार प्रवक्ता जाखारोभाले भनिन्, 'विशेष गरी युरोपेली संघका देशहरूबाट ड्रोन घटनालाई लिएर जति पनि आरोपहरू लगाइँदै छन्, ती सबै निराधार छन्। अहिलेसम्म यसको पक्षमा एउटै पनि तथ्य, सामग्री वा प्रमाण पेश गरिएको छैन।'