टिमुरेमा पुरिएको अवस्थामा ६ वर्षीया बालिका बाढीको ३ दिनपछि सकुशल उद्धार

काठमाडौँ- रसुवाको गोसाइँकुण्ड गाउँपालिका–२, टिमुरेमा माटोमुनि पुरिएकी करिब ६ वर्षीया बालिकालाई सकुशल उद्धार गरिएको छ । सशस्त्र प्रहरीको टोलीले शुक्रबार साँझ करिब ६ः१५ बजे उद्धार गरेको हो ।

‘टिमुरे क्षेत्रमा खोज तथा उद्धारमा खटिएको सशस्त्र प्रहरीको टोलीले माटोमुनिबाट बालिका रोइरहेको आवाज सुनेपछि तत्काल खोजी थालेको थियो । त्यसक्रममा माटोमुनि पुरिएको अवस्थामा बालिकालाई फेला पारेर उद्धार गरिएको हो,’ सशस्त्रले जनाएको छ ।