दुर्गालाल बा : हामीलाई थाक्न नदिने चेतना

उहाँको बोल्ने आफ्नै शैली थियो । यस्तो शैली, जसले कहिले जिउ सिरिङ्ग बनाउँथ्यो, कहिले मन फुरुङ्ग पाथ्र्यो । उहाँका लागि शब्द केवल अभिव्यक्तिको माध्यम थिएनन्, ती शक्ति थिए, चेतना थिए, प्रेम थिए र आवश्यक पर्दा विद्रोह पनि थिए । नेपालभाषा साहित्यका त्यस्ता जागरूक र जाज्वल्यमान व्यक्तित्वका रूपमा हामी दुर्गालाल बालाई चिन्थ्यौँ । उहाँलाई भेट्दा उहाँका मुखारविन्दबाट निस्कने हरेक शब्दले आफैँ बताइरहेका हुन्थे कि किन उहाँ जनकवि हुनुुहुन्थ्यो र किन जनताले उहाँलाई आफ्नै कविका रूपमा स्वीकार गरेका थिए ।

उहाँसँग भएका सबै भेट आफ्नै अर्थमा फरक थिए र सबै अमूल्य थिए । तर, केही भेट यस्ता छन्, जुन समय बित्दै जाँदा धमिला हुनुको सट्टा झन् स्पष्ट भएर मानसपटलमा बसिरहेका छन् ।