इराकविरुद्ध फ्रान्सको गोल वर्षा

काठमाडौँ । फिफा विश्वकप २०२६ अन्तर्गत समूह ‘आई’ को खेलमा फ्रान्सले इराकविरुद्ध ३–० को आरामदायी अग्रता बनाएको छ। फिलाडेल्फिया रंगशालामा जारी खेलको ६९औँ मिनेटसम्म फ्रान्सले उत्कृष्ट प्रदर्शन गर्दै इराकलाई दबाबमा राखेको छ।

फ्रान्सका लागि पहिलो दुई गोल कप्तान किलियन एम्बाप्पेले गरे। उनले १४औँ मिनेटमा माइकल ओलिसेको पासमा शानदार गोल गर्दै टोलीलाई अग्रता दिलाएका थिए। त्यसपछि ५४औँ मिनेटमा उस्मान डेम्बेलेको सहयोगमा एम्बाप्पेले व्यक्तिगत दोस्रो गोल थपे।