तातोपानी नाकाबाट ल्याउदै गरेको अढाई करोभन्दा बढी अवैध भेप बरामद

तातोपानी नाका हुँदै अवैध रूपमा भित्र्याइएको करिब २ करोड ६९ लाख ५० हजार रुपैयाँबराबरका ७ हजार ७ सय थान भेप (विद्युतीय चुरोट) प्रहरीले बरामद गरेको छ।

जिल्ला प्रहरी कार्यालय सिन्धुपाल्चोकका अनुसार सोमबार बाह्रबिसे नगरपालिका–३ खाग्दलस्थित इलाका प्रहरी कार्यालय बाह्रबिसेको टोलीले गोप्य सूचनाका आधारमा तातोपानीबाट बाह्रबिसेतर्फ आउँदै गरेको प्रदेश ०३–००१ च १२२९ नम्बरको बोलेरो गाडी जाँच गर्ने क्रममा लुकाइछिपाइ ल्याइएको भेप फेला पारेको हो।