मोबाइलमा फोटो, शवगृहमा पर्खाइ !

चितवन । एम्बुलेन्सको ओहोरदोहोर बाक्लिएको छ । शव ओसार्न भ्याइनभ्याइ छ । रसुवा बाढीमा परेर बेपत्ता भएकाहरू नारायणी नदी किनारमा भेटिइरहेका छन् । नारायणीमा भेटिएका शव भरतपुर महानगरपालिका–१० स्थित चितवन उद्योग संघ परिसरमा निर्माण गरिएको अस्थायी ‘चिस्यान कक्ष’मा राखिएको छ ।

चिस्यान कक्षमा राखिएका शवको अनुहार बाहिरपट्टि राखिएको डिस्प्लेमा देखाइएको छ । आफन्त हुन् कि होइनन् भनेर पहिचान गर्न सयौँ मानिस त्यहाँ पुगेका छन् । कसैको आँखामा आशा छ, कसैको आँखामा आँसु ।