विद्युतमा भ्याट लगाउने निर्णय तत्काल फिर्ता लिन कुलमानको माग

काठमाडौं । उज्यालो नेपाल पार्टीका अध्यक्ष एवं पूर्वऊर्जा जलस्रोत तथा सिँचाइ मन्त्री कुलमान घिसिङले आगामी आर्थिक वर्ष २०८३/८४ को बजेटमार्फत विद्युतमा ५ प्रतिशत मूल्य अभिवृद्धि कर (भ्याट) लगाउने सरकारको निर्णयप्रति आपत्ति जनाएका छन् ।

सरकारले मासिक ५० युनिटभन्दा बढी विद्युत खपत गर्ने उपभोक्तामाथि कर लगाउने घोषणा गरेपछि अध्यक्ष घिसिङले एक विज्ञप्ति जारी गर्दै यो निर्णय आम उपभोक्ताको हितविपरीत र ऊर्जा रूपान्तरणको राष्ट्रिय लक्ष्यको विरुद्धमा रहेको बताएका हुन्।