‘कर्णालीका ३३ प्रतिशत महिला अझै निरक्षर छन्, तिनको सशक्तिकरणमा राज्यले ध्यान दिनुपर्छ’

सुर्खेत । कर्णालीका प्रदेश प्रमुख यज्ञराज जोशीले कर्णालीमा अझै पनि ३३ प्रतिशत महिला साक्षर बन्न नसकेको बताएका छन् । शनिबार वीरेन्द्रनगरमा आयोजित ‘कर्णाली छोरी सम्मेलन’लाई सम्बोधन गर्दै उनले अझै पनि प्रदेशमा ठुलो मात्रामा महिला निरक्षर भएको प्रति चिन्ता व्यक्त गरे ।

ती ३३ प्रतिशत महिलालाई साक्षर बनाउन तीनवटै तहका सरकारले विशेष ध्यान दिनुपर्नेमा जोशीले जोड दिए । ‘अहिले हरेक क्षेत्रमा महिलाहरू अग्रसर भइरहेका छन्, कर्णालीका चेलीहरू प्रतिभावान बनिसके,’ उनले भने, ‘अब निरक्षर जनशक्तिलाई साक्षर बनाएर अझ सबल बनाउनुपर्छ ।’