भन्सार छलेर ओसारपसार गर्दै गरेको अवस्थामा ११ लाखका लत्ताकपडा बरामद

काठमाडौँ- वीरगन्जमा भन्सार छलेर ओसारपसार गर्दै गरेको ११ लाख बढीका लत्ताकपडाहरू प्रहरीले बरामद गरेको छ ।

जिल्ला प्रहरी कार्यालय पर्साका अनुसार वीरगन्ज महानगरपालिका १६ ईनर्वागाँउबाट भन्सार छलीको उक्त लत्ताकपडाहरू बरामद गरेको जनाएको छ । सीमावर्ती क्षेत्रबाट खुलेयाम अवैध ओसारपसार हुन थालेपछि प्रहरीले निगरानी बढाउँदा उक्त लत्ताकपडा बरामद गरेको जनाएको छ ।