बजेट शून्यतासँगै प्रदेश सभा पनि शून्य

धनगढी । सुदूरपश्चिम प्रदेशमा बजेट शून्यता कायम रहेकै बेला प्रदेश सभा पनि करिब तीन सातादेखि गतिविधिविहीन बनेको छ । सरकारको नेतृत्व परिवर्तन भएको तीन साता बितिसक्दा पनि नीति तथा कानुन निर्माण गर्ने प्रदेश सभाको बैठक सञ्चालन हुन सकेको छैन ।

तत्कालीन मुख्यमन्त्री कमलबहादुर शाह नेतृत्वको सरकारले चालु आर्थिक वर्ष २०८३÷८४ को बजेट पारित गराउन नसकेपछि प्रदेश सभा निष्क्रिय बनेको हो । शाह नेतृत्वको सरकार ढलेर नेपाली कम्युनिस्ट पार्टी (नेकपा) का खगराज भट्टको नेतृत्वमा नयाँ सरकार गठन भए पनि प्रदेश सभा बैठक सञ्चालनको टुङ्गो लाग्न सकेको छैन ।