राष्ट्रिय साइबर-आक्रमणसँग जुध्न जब रोमानियाका अस्पतालहरू कलम र कागजमा फर्किए

काठमाडौं । प्रविधिको विकाससँगै हामी जति धेरै डिजिटल हुँदै गइरहेका छौं, साइबर सुरक्षाको जोखिम पनि उत्तिकै बढ्दै गइरहेको छ । हालै अमेरिकी अनुसन्धान एजेन्सी एफबीआईले सार्वजनिक गरेको विवरण अनुसार, स्वास्थ्य सेवा क्षेत्र अहिले राष्ट्रिय महत्त्वपूर्ण पूर्वाधारहरूमध्ये सबैभन्दा धेरै साइबर आक्रमणको निशानामा पर्न थालेको छ ।

सन् २०२४ को फेब्रुअरी महिनामा रोमानियाका अस्पतालहरूमा भएको भयानक साइबर आक्रमणले यसैको पुष्टि गर्छ । यो विश्वभरकै स्वास्थ्य प्रणालीमा भएका सबैभन्दा ठुला र गम्भीर साइबर आक्रमणमध्ये एक मानिएको छ । ह्याकरहरूले कम्प्युटर नेटवर्कमा सङ्क्रमण गराएर गरेको यो सामूहिक आक्रमणले अनगिन्ती मानिसहरूको ज्यान जोखिममा पारेको थियो र अस्पतालहरूलाई बाध्य भएर 'पेन र पेपर' (कलम र कागज) को युगमा फर्काएको थियो ।