ललितपुर महानगरले ल्याएको ‘सिक्दै सिकाउँदै, रम्दै कमाउँदै’ कार्यक्रमका लागि परेन प्रस्ताव

चालु आर्थिक वर्षमा ललितपुर महानगरपालिकाले सामुदायिक विद्यालयका विद्यार्थीलाई व्यवहारिक सीपसँग जोड्नका लागि ‘सिक्दै सिकाउँदै, रम्दै कमाउँदै’ कार्यक्रम ल्यायो । कार्यक्रमका लागि १२ लाख रुपैयाँ बजेट विनियोजन गरेर सामुदायिक विद्यालयहरूसँग प्रस्ताव माग गरियो ।

तर, आर्थिक वर्ष सकिनै लाग्दासमेत एउटा पनि प्रस्ताव नपरेको महानगरपालिकाका शिक्षा निर्देशक देवीप्रसाद उपाध्यायले बताए । ‘सामुदायिक विद्यालयहरूलाई पटकपटक यसबारेमा घचघच्याउँदा पनि प्रस्ताव परेन,’ उनले भने, ‘धेरैले कृषिसँग सम्बन्धित काम गर्नुपर्ने होला भन्ने सोचेर प्रस्ताव नहाल्नुभएको रहेछ ।’