‘डिजिटल संसारलाई खुसी पार्न किसान र गरिबलाई उपेक्षा’

काठमाडौँ । नेपाली कांग्रेसका प्रवक्ता देवराज चालिसेले सरकारले प्रस्तुत गरेको नयाँ बजेटको तीव्र आलोचना गर्दै यसलाई आर्थिक रूपमा बोझिलो र वितरणमुखी भएको टिप्पणी गरेका छन् । सामाजिक सञ्जाल फेसबुकमा एक पोस्ट राख्दै उनले बजेटमा चालु खर्च उच्च र पुँजीगत खर्च न्यून रहेको भन्दै सरकार चालु खर्च नियन्त्रण गर्न पूर्ण रूपमा असफल भएको आरोप लगाएका हुन् ।

राष्ट्रिय स्वतन्त्र पार्टी (रास्वपा) को सरकारले ल्याएको यो बजेटले जनतालाई भ्रममा पार्न मृदु भाषा प्रयोग गरेर आफ्ना कमजोरीहरू लुकाउन खोजेको उनको भनाइ छ । प्रवक्ता चालिसेका अनुसार कुल बजेटको ५९.८ प्रतिशत अर्थात् १२ खर्ब ७० अरब ५८ करोड रुपैयाँ चालु खर्चमा छुट्याइएको छ, जबकि पुँजीगत खर्चका लागि मात्र २०।३ प्रतिशत अर्थात् ४ खर्ब ३१ अरब १० करोड रुपैयाँ राखिएको छ ।