भारतको कुशीनगरबाट उद्धार गरिएका ४५३ नेपाली स्वदेश फर्किए, आफन्तको जिम्मा लगाउने तयारी

भैरहवा ।

रोजगारी, आकर्षक आम्दानी र विभिन्न प्रलोभन देखाएर भारतको उत्तर प्रदेशस्थित कुशीनगर क्षेत्रमा लगेर बन्धक बनाइएका ४५३ जना नेपाली नागरिकलाई उद्धार गरी स्वदेश ल्याइएको छ। भारतीय प्रहरीको सहयोगमा नेपाल प्रहरीले सञ्चालन गरेको विशेष समन्वयात्मक अभियानमार्फत उनीहरूलाई शुक्रबार राति उद्धार गरी नेपाल ल्याइएको हो । उद्धार गरिएका सबै नेपालीलाई रुपन्देही हुँदै नेपाल भित्र्याइएको छ। हाल उनीहरूलाई सुरक्षित रूपमा राखेर आवश्यक विवरण संकलन गर्ने, स्वास्थ्य अवस्था बुझ्ने तथा आफन्तको पहिचान गर्ने काम भइरहेको नेपाल प्रहरीले जनाएको छ।