कांग्रेस महामन्त्रीको चिन्ता- नेपाल एकात्मक व्यवस्थातर्फ फर्किने चर्चा छ

१६ जेठ, काठमाडौं । नेपाली कांग्रेसका महामन्त्री प्रदीप पौडेलले नेपाललाई फेरि एकात्मक व्यवस्थामै फर्काउने चर्चा चलिरहेको भन्दै चिन्ता व्यक्त गरेका छन् । शनिबार कांग्रेसको भ्रातृ संस्था नेपाल थारु संघको पहिलो महाधिवेशन उद्घाटन समारोहलाई सम्बोधन गर्दै उनले संघीयता खारेज गर्ने खालका चर्चातर्फ इंगित गरेका हुन् ।

‘संविधानमा प्राप्त भएका उपलपब्धि सुरक्षित गरेर जानुपर्ने स्थिति छ । मुलुक फेरि एकात्मक राज्य प्रणालीमा फर्किने चर्चापरिचर्चा भइरहेका छन्,’ महामन्त्री पौडेलले भने, ‘संसदीय व्यवस्थालाई कमजोर बनाउनेगरी काम भइरहेका छन् ।’