लाओसको बाढीग्रस्त गुफाबाट शनिवार थप चारजनाको उद्धार, दुईजना अझै बेपत्ता

लाओसको बाढीग्रस्त गुफाभित्र १० दिनदेखि फसेका चारजना पुरुषहरूलाई मुक्त गरिएको थाई उद्धारकर्ताहरूले बताएका छन्। शुक्रवार समेत त्यहाँ एकजनाको उद्धार गरिएको थियो।

मे २० तारिखमा अचानक बाढी आउनुअघि ती मानिसहरू मध्य साइसोम्बुन प्रान्तको एक दुर्गम पहाडी भेगमा अवस्थित गुफाभित्र साँघुरो सुरुङमार्फत सुनको खोजीमा गएका थिए। तर बाढी पसेसँगै उनीहरू त्यहीँ अड्किएका थिए।