गायिका मीरा राणा एकल सांगीतिक साँझमा गुञ्जने

काठमाडौँ- गायिका मीरा राणाले एकल सांगीतिक साँझमा गुञ्जने भएकी छन्। गायिका तथा संगीतकार राणा असोज ४ गते आइतबार राणा एकल सांगीतिक साँझमा गुञ्जने भएकी हुन्। क्यान्सरसँग लडेर त्यसलाई जिते पनि क्यान्सरबाटै आफ्ना पति उदयजंग राणालाई गुमाउन पुगेकी राणा ७५ वर्षको उमेरमा एकल साँझमा उत्रन लागेकी हुन्।

क्यान्सरबाट पतिलाई बचाउन नसकेको पीडापछि गायिका राणाले क्यान्सरका विरामीलाई सघाउन ‘मिरा राणा क्यान्सर समाज’ स्थापना गरेकी छन् । सोही समाजको कोष बृद्धी गरी त्यसबाट क्यान्सर भएकाहरूलाई सहयोग गर्न आफ्ना जीवनकै अन्तिम कार्यक्रमस्वरुप ‘मिरा राणा एकल सांगीतिक साँझ गर्न लागिएको उनले बताएकी छन्।