नेपालमा जननिर्वाचित सरकारको दुर्दशा : जेनजीबाट ओली लखेटिए, बीपी र देउवालाई राजाले अपदस्थ गरे

काठमाडौँ । पूर्वप्रधानमन्त्री एवं नेकपा (एमाले) का अध्यक्ष केपी शर्मा ओलीले प्रतिगामी र स्वतन्त्रता विरोधी कदम लामो समय नटिक्ने घोषणा गरे । आइतबार एमाले पार्टी कार्यालयमा छापा माध्यमका पत्रकारको ज्ञापनपत्र बुझ्ने कार्यक्रमलाई सम्बोधन गर्दै अध्यक्ष ओलीले वर्तमान सरकारप्रति सङ्केत गर्दै यस्तो बताएका हुन् ।

‘हाम्रो पार्टी स्वतन्त्रताका निम्ति लड्दै आएको हो । हाम्रो सङ्घर्ष कहिले धिमा गतिमा चलेको होला, एकछिन अधिनायकवादले रोकेको होला । अहिले फेरि रोक्ने कोसिस भइरहेको छ’, उनले भनेका थिए, ‘अबका प्रतिगामी, स्वतन्त्रता विरोधी र सङ्किर्णतावादी कदमहरू लामो समयका लागि हुनै सक्दैनन् ।’