२५ लाख रुपैयाँ मुनिका योजना नल्याउने सुदूरपश्चिम सरकारको निर्णय कागजमै सीमित

धनगढी । बजेट ल्याउनु अघि सुदूरपश्चिम प्रदेशका मुख्यमन्त्री कमल बहादुर शाहले ‘अब प्रदेश सरकारले साना र टुक्रे योजनामा बजेट छर्ने छैन’ भनेका थिए । उनले कम्तीमा २५ लाख रुपैयाँभन्दा कम लागतका योजनाहरू बजेटमा नराख्ने र प्रदेशको विकासका लागि ठुला आयोजनामा मात्रै केन्द्रित हुने प्रतिबद्धता जनाएका थिए ।

प्रदेश सरकारले सार्वजनिक गरेको आगामी आर्थिक वर्ष (२०८३/०८४) को बजेट कार्यक्रम पुस्तिकामा भने मुख्यमन्त्रीका ती प्रतिबद्धता विपरीत योजना तथा कार्यक्रम पाइन्छ ।