तिब्बतको ताल फुट्ने सम्भावना कायमै, भोटेकोशीमा बाढीको जोखिम अझै जारी

काठमाडौँ । जलविज्ञान तथा जलस्रोत अनुसन्धान केन्द्रअन्तर्गतको बाढी पूर्वानुमान महाशाखाले रसुवाको भोटेकोशी क्षेत्रमा बाढीको जोखिम रहेको जनाएको छ ।

भोटेकोशी र त्रिशूलीमा हाल जलसतह सामान्य रहे पनि चीनको तिब्बतस्थित उद्गम स्थलको माथिल्लो क्षेत्रमा नदी थुनिएर बनेको ताल फुट्ने जोखिम रहेकाले नदी किनारमा आवतजावत नगर्न र पूर्वसूचनामा ध्यान दिन महाशाखाले आग्रह गरेको छ । अहिलेसम्म उक्त थुनिएको तालको माथिबाट पानी बगिरहेको छ ।